O Bulan nga kasadyaan
Sinugdan sa kalipayan
Bulahan tuod kita karon
Kay ang pasko umalabot!

Tuig-tuig, sa kada anyo
Sa matagdalagan sa timpo
Mag-uliay ka kanamo
Aron sa Ber Months maga-sugod

Ang tulunggon panugtogon
Ang huni paningogon
Kay si Jose Mari Chan
Sa iyang tangkaw abuhian

Hala magbanha na karon
Magtunog sa mga kansyon
Matahom mga alawiton
Sa kabataan panaygono

Si Kristo umalabot
Adlawng natawhan pinaabot
Tawong tanan nanghinaot
Sa kasadya ug maayong buot

Busa karon panab-iton
Sa bisan diing mga bungbong
Ang masigang bitoon
Parol nga maanyagon

Mag-andam na kita sa pasko
Managana ug mag-alisto
Kay ang lungsod magahob
Sa kantang pasko magpatunog

Septiyembre man ug Oktubre
Nobyembre man ug Disyembre
Ay balaka ko pa’g pobre
Basta lang kay maalegre

O Bulan nga kasadyaan
Sinugdan sa kalipayan
Bulahan kita karon
Kay ang pasko umalabot!